zurück Vorspiel - der Tisch wird gedeckt:
"Mamää"
gesungen von "Anna" Maya Bernhard und "Karline" Brigitta Schafer mit Intermezzo von Köchin "Kattri" Susi Avvanzino
| Anna: | Karline: |
Mamää! Jetzt hörr doch uf mit Bluemesprütze!
Mamää! Wo muess de Unggle Jakob sitze?
Setz en doch zum Unggle Fritz!
Ja, das wär en schöne Witz!
Die zwei verträget sich doch nie!
Nimm d'Tante Paule zwütschge-d-ie!
Mamää! Cha mer da d'Tante Berta si lah?
Mamää! Ich tue de Gustav näbed d'Lina.
Nei, um Gottes Wille Chind!
Die zwei, die nähmed sich am Chopf!
Setz d'Tante Paula näbed zue.
Nei los, setz d'Lina doch da ue.
E bah, du machsch mi ganz komfus.
Bimeich, jetzt chumm i nümme drus.
De Unggle Jakob ... d'Tante Berta ...
Aeh, pfiffe dri! - Es wird en Wert ha!
O, die grüslige Verwandte!
O, die grüslige Verwandte!
Mer händ einfach z'vill, mer händ einfach z'vill,
z'vill Unggle, und z'vill Tante!
Kattri:
Ich singe gärn, ich singe vill,
Ich singe immer, wänn ich will.
Ich singe früeh, ich singe spat
und wäsche d'Schnägge vom Salat!
Mamää! Und ich? Wo sitz dänn ich jetzt ane?
Mamää! Jetzt hani wider da zwee Manne!
Mach mer doch nöd so-n-es Gschrei.
Chumm, gib her, i mach's allei.
Lueg, das macht mer eifach so.
Lass mi doch, das chan ich scho! - Aech...
Mamää! Nei, de Unggle Fritz isch guet da!
Mamää! Was hät ächt d'Tante Paula für en Huet a?
Anna, schwätz doch nöd so tumm.
Mir gaht im Chopf scho alls ringsum.
Mamää! Gschnäll! Si chömmed glii!
Wär nu dä Trubel scho vorbi!
Aech, Mamää, ich weiss nöd, was du häscht.
So en Giburtstag isch für alli doch es Fäscht!
Und erscht de sächzgischti Giburtstag grad,
isch für d'Familie doch en grosse Ehretag!
Aber Chind, so dänk au, die Verwandte!
beide:
Ja, die grüslige Verwandte!
Mir händ eifach z'vill,
mir händ einfach z'vill,
z'vill Unggle, und z'vill Tante!