zurück 

Nei !!
Ich wott hüt nöd vernümftig si!
Ich wott hüt nöd vernümftig si!
Ich wott hüt nöd vernümftig si,
jetzt bini nümm vernümftig!
Da chönsch versärble no derbi!
En Zirkus, das isch zümftig!
Das Bravsi, das verleidet eim.
Jetzt hock ich eifach nümm diheim.
Nei, zwüsched eure Muure,
da wott ich nöd versuure!
Ich haues furt biziite!
Wott eifach Pony riite!

Anna, so los doch... Anna, so los doch!

O ihr schönd rede, was er wänd!
Adiö, ihr vier Tapetewänd!
Ich wott derbi si einischt,
wo's Läbe gross und fein ischt!
Und eues ebig Chiibe
chönd er is Chämi schriibe!

Ich wott hüt nöd vernümftig si,
Ich wott hüt nöd vernümftig si!
Ich wott hüt nöd vernümftig si,
jetzt bini nümm vernümftig!
Aschauig! Gwohnet! Pfiife dri!
- En Zirkus, das isch zümftig!

Anna... Anna!

Ich lauf eifach dervoo !

zum Anfang