zurück 

Ich singe gärn, ich singe vill,
ich singe immer, wänn ich will.
Ich singe früeh, ich singe spat,
und wäsche d'Schnägge vom Salat.
Ich singe lala - und mache Gomfitüüre-n-i.
Ich singe lala - und mach e Kaffilüüre no derbi.
Und wänn i d'Rösti chere, dänn mache-n-i als
die allerschönste Fingerüebige mit em Hals!

Ich sing ganz tüf abe -
ich sing ganz höch ue!
Und götschle-n-im Schüttstei
de Takt derzue!
Ich singe-n im Chäller -
und sings höchi C!
Und haue-n uf Kotlett
mit holleradidulidulije - Juhe!

Ich singe schön, ich singe rein,
und i dr Chuchi tönt's so fein.
Ich singe luut, ich singe liis,
tue's Salz an Pudding, statt an Riis!
Ich singe lala - bi halt e Chöchi us besserem Huus.
Ich singe lala - und nimm eme Trutthahn fröhlich d'Chuttle-n-us.
Mit eme luschtige Liedli, gaht's Choche halt dopplet so flingg.
Und wird de Güselchübel z'voll, dänn gib em halt en Gingg!

Ich sing ganz tüf abe -
ich sing ganz höch ue!
Und götschle-n-im Schüttstei
de Takt derzue!
Ich sing vo dä Liebi -
Twölf Takt i eim Schnuuf!
Denn goht mir dä Gugelhupf
Grad föiffach uuf - Juhe!

zum Anfang