zurück 

Uf's mal isch mer alt - und staht bald am Aend -
Ach, wämmer als Bueb so i d'Wält use rännt.
Da meint mer, sächzg Jahr müess e-n-Ewigkeit si! -
Und doch - die paar Jöhrli, wie gschnäll gönd's verbi.

alle: Und doch - die paar Jöhrli, wie gschnäll gönd's verbi.

Bin jung gsi und starch, bewundert, begehrt -
Doch dänn hät sich s'Läbe gäge mich gkehrt.
Ha gmeint, seig en Usnahm, seig immer debi -
Und doch - die paar Jöhrli, wie gschnäll gönd's verbi.

alle: Und doch - die paar Jöhrli, wie gschnäll gönd's verbi.

Ich han alles gha, was s'Läbe eim schänkt -
Min Richtum behüetet und hett nie dra tänkt,
Dass alles vergange, vergässe cha si -
Und doch - die paar Jöhrli, wie gschnäll gönd's verbi.

alle: Und doch - die paar Jöhrli, wie gschnäll gönd's verbi.

zum Anfang