zurück 

I sinre Juged scho, da wär er bi me Haar
Emal fascht gstorbe ame schüülige Katarrh

tz tz…
Ja, mini Muetter seit: Bim erschte Bad bireits
Heb ich scho gha e sonen Hueschtereiz!
tz tz…

Und mit acht Jahre
hät er gschpürt im Buuch es Weh

Do händ's mer fascht
de Blinddarm müesse-n-use neh.
tz tz…

Aber de Dokter isch so schlächt und seit em no
Es seig ihm nur en Zwätschgestei i d'Quäri cho!

Refrain:
Ghöghö -
Ich muess gwüss mini Gsundheit schone
Ghöghö -
Ich isse halt kei Makarone
Ghöghö -

Sin Mage, dä vertreit kei Bohne.
Und tüend doch bitti au an Fisch e kei Zitrone.

Ghöghö -
Ich bin halt chrank, s'isch nöd zum säge
Ghöghö -

Drüü Tag isch er im Bett in gläge.

Ghöghö -
Ich chan gar Mängs halt nöd verträge.
Aber mached i kei Umständ minetwäge.
O pitti, tüend i doch um mich nöd sorge.

Er hät es Habermüesli gässe hütte morge.

Ich brächt nüt abe, danke nei, ich han ja gha!
Ach für mi Gsundheit - ach, für mi Gsundheit
Würd ich sogar s'Läbe lah!

Ach für si Gsundheit
Ach für si Gsundheit
Würd er sogar sis Läbe lah!

Er hät au's Ohrelüüte, sonen höche Ton.

Das han ich bireits sit dä Konfirmation.

Und z'letscht am End bringt das eim us em Hüüsli doch
Ich glaub bimeich, er hät im Trummelfäll es Loch.

tz tz…
Am letzschte Zischtig
sticht es Wäspi mich in Chnode.

Sithär chan er sin grosse Zäche numm verrode!

tz tz…
Und jetzt jetzt überchumm ich no de Pfnüsel!
Summa summarum:
Ich bin chrank, es isch en Grüsel..

Refrain:: (wie oben)

zum Anfang